ප්‍රාදේශීය ලේකම් කොට්ඨාශය තුළ සමෘද්ධි වැඩසටහන් ක්‍රියාත්මක වන ආයතනික ව්‍යුහය

1. සමෘද්ධි මුලස්ථාන අංශය
2. සමෘද්ධි මහ සංගමය
3. සමෘද්ධි බැංකු සංගමය

සමෘද්ධි ආයතන මගින් ඉටුවන සේවා

01. සමෘද්ධි මූලස්ථාන අංශය

1. සමෘද්ධි කළමනාකරුවන් හා සමෘද්ධි සංවර්ධන නිළධාරීන්ගේ සියළුම ආයතනික කටයුතු කිරීම
2. සමෘද්ධි සමාජ ආරක්ෂණ වන්දි මුදල් ලබා දීමට කටයුතු කිරීම
3. සමෘද්ධි අනිවාර්ය ඉත්රිකිරීම් මුදල් ලබා ගැනීමට කටයුතු කිරීම
4. ප්‍රජා ව්‍යාපෘති ඇතුළු යටිතල පහසුකම් සංවර්ධන කටයුතු කිරීම
5. සමෘද්ධි සහනාධාර හා සමෘද්ධි සිප්දොර ශිෂ්‍යත්ව ආධාර වැනි ආධාර වැඩසටහන් ක්‍රියාත්මක කිරීම

02. සමෘද්ධි මහා සංගමය

1. සමෘද්ධි බැංකු සංගම් වල කටයුතු සම්බන්ධීකරණය කිරීම
2. සමෘද්ධී බැංකු සංගම් වල මුදල් ආයේජනය කිරීමට කටයුතු කිරීම
3. සමෘද්ධි බැංකු සංගම් සාමාජිකත්වයේ ණය හා සමූහ සංරක්ෂණ වන්දි මුදල් ලබා දීමට කටයුතු කිරීම
4. සියළුම සමෘද්ධි සමිති ලියාපදිංචි කිරීමට කටයුතු කිරීම
5. ප්‍රජා සංවිධාන ජාලය ශක්තිමත් කිරීමට කටයුතු කිරීම
6. දිරිය පියස හා සමාජ සංවර්ධන පදනමේ ආධාර මත නිවාස ඉදිකිරීමට කටයුතු කිරිම
7. විවිධ සමාජ සංවර්ධන හා ආධ්‍යාත්මික සංවර්ධන වැඩසටහන් ක්‍රියාත්මක කිරීම
8. භාණෟඩාගාර ප්‍රතිපාදන හා චක්‍රිය අරමුදල් භාවිතා කරමින් ජීවනෝපාය ව්‍යාපෘති ලාභින් බඳුනාගෙන ඔවුන්ට එම ප්‍රතිපාදන ලබා දීමට කටයුතු කිරීම හා ඹවුන් ව්‍යාපෘති ගැන්වීම

03. සමෘද්ධි බැංකු සංගම්

1. සමෘද්ධි පුතිලාභ ලබන බොහෝ පිරිසක් කුඩ ාකණ්ඩායම් ක්‍රමය හරහා බැංකු වැඩසටහනට සම්බන්ධ කරගැනීම
2. එම පිරිස් සඳහා ණය ලබා දීමට කටයුතු කිරිම
3. රජය ක්‍රියාත්මක කරන විවිවධ වැඩසටහන් සඳහා එම ප්‍රතිලාභීන් හඳුන්වා ගැනීමට කටයුතු කිරීම
4. අඩු ආදායම් ලාභීන් ඔවුන්ගේ ඉතිරිකිරීම් වලට හුරු කරවීම හා ඔවුන් සමාජ , ආර්ථික හා සංස්කෘතිකමය වශයෙන් නගා සිටුවීමට  කටයුතු  කිරීම

සමෘද්ධි වැඩසටහන්

 01. පවුල් තෝරා ගැනීම -

• 2015/2016 සිදුකල සමීක්ෂණය මගින් සකස් කර ඇති ලේඛනයෙන් ප්‍රමුඛතාවය අනුව පවුල්

තෝරා ගනී.

• වසමේ සමෘද්ධි සංවර්ධන නිලධාරී හා කලාප කළමණාකරුගේ නිර්දේශය හා ප්‍රාද්ශීය ලේකම්ගේ

අනුමැතියෙන් ඉවත් කරන සහනාධාරලාබීන් වෙනුවට නව පවුල්  අළුතින් සහනාධාර ලබාදීම

සදහා ඇතුලත් කරයි.

02. සහනාධාර වටිනාකම්:

03. සහනාධාරයේ සංයුතිය :

i මුදල් මුද්දරය :

ප්‍රතිලාබියාගේ බැංකු ගිණුමට බැර කරන අතර එය සමෘද්ධි බැංකුව මගින් ලබා ගත හැකිය.

ii අනිවාර්ය ඉතිරි කිරීම්:

ප්‍රතිලාබියාගේ බැංකු ගිණුමට බැර කරන අතර මුදල් ලබා ගැනීම සදහා පහත නිර්ණායක එකක්  හෝ    සම්පූර්ණ වී තිබිය යුතුය.

• අවුරුදු 70 සම්පූර්ණ වීම
• දරුවකු විශ්ව විද්‍යාල අධ්‍යපනය ලැබීම
• විශේෂිත රෝගයකින් පෙළීම (වකුගඩු, පිළිකා, ශෛල්‍යකර්ම)

iii නිවාස ලොතරැයිය:

• ප්‍රාදේශීය ලේකම් කාර්යාලයකට එක බැගින් මාස් පතා දිනුම් අදිනු ලැබේ.
• වටිනාකම රු. 200,000.00 වේ.
• නිවාස ඉදිකිරීම්, ඉඩමක් මිළ දී ගැනීම හෝ ව්‍යාපාරික කටයුතු සදහා ලබා දෙනු ලැබේ.

iv  සමාජ ආරක්ෂණය:

පහත කරුණු සදහා මෙම මුදල් නිදහස් කිරීම සිදුකරයි.

• දරු උපත් සදහා රු. 7500 බැගින් දරුවන් තිදෙනෙකුට
• පවුලේ විවාහයන් සදහා රු. 7500 බැගින්(උපරිම විවාහ දෙකක්)
• මරණයකට රු. 15000 බැගින්(මරණ ප්‍රමාණය සීමාවක් නැත)
• රෝහලගතවීම් වෙනුවෙන් වර්ෂකට දින 30ක් සදහා රු. 7500 ක උපරිමයකට යටත්ව දිනකට රු. 250 බැගින්
• නිවුන් දරු උපත් සදහා දරුවන් දෙදෙනෙකුට රු. 5000 බැගින් ද දරුවන් තුනක් හා ඊට වැඩි උපත් සදහා රු. 10000 බැගින් ද මාසිකව එක් වර්ෂයක් සදහා

ජීවනෝපාය සංවර්ධන වැඩසටහන්

• භාණ්ඩාගාර ප්‍රතිපාදන යටතේ ග්‍රාම නිලධාරී වසම් මට්ටමින් තෝරා ගන්නා ලද පවුල් සවිබල ගැන්වීම සදහා ආපසු අය නොකරන උපරිමය රු. 45000 කට යටත්ව උපකරණ, භාණ්ඩ, ද්‍රව්‍ය, සතුන්,ගොඩනැගිලි සදහා උපකරණ ලබාදීම සිදුකරයි.
• සමෘද්ධි බැංකු මගින් ජීවනෝපාය චක්‍රිය ණය ලබාදීම(උපරිමය 500,000 පොළිය 12%)
• සමෘද්ධි බැංකු මගින් ජීවනෝපාය සංවර්ධන ණය ලබා දීම(උපරිමය 500,000 - පොළිය 12%)

සමෘද්ධි සමාජ සංවර්ධන වැඩසටහන්

i. මැයි  31  දින මත්ද්‍රව්‍ය නිවාරණ කොඩි අරමුදල ගොඩනැගීම

මේම අරමුදල මගින් පහත වැඩසටහන් සිදු කරනු ලබයි.

• අඩු ආදායම්ලාබීන්ගේ නිවාස ඉදිකිරීම
• නිවාස අළුත්වැඩියා කිරීම
• වැසිකිළි පහසුකම් දියුණු කිරීම
• පාසල් උපකරණ ලබාදීම

ii.  උපදේශන වැඩසටහන් ක්‍රියාත්මක කිරීම

iii. සමෘද්ධි ළමා සමාජ පිහිටුවීම, තරග පැවැත්වීම හා එම තරගකරුවන් ජාතික මට්ටම කරා රැගෙන යාම

iv. හරිත උයන වන සංරක්ෂණ වැඩසටහන් පැවැත්වීම

2019 සමෘද්ධි අලුත් අවුරුදු වැඩසටහන